जनप्रतिनिधिहरुले गरे ओलीको कार्यक्रम बहिष्कार

  • पुष ०८, २०७८

८ पुस, बिरगञ्जः पर्साको जगरनाथपुर गाउँपालिकाको कार्यालय उद्घाटन कार्यक्रम गाउँपालिकाकी उपाध्यक्षसहित २६ जना जनप्रतिनीधिहरुले बहिस्कार गरेका छन् । गाउँपालिकाको भवन निर्माणमा आर्थिक अनियमितता गरेको आरोप लगाउँदै उपाध्यक्ष बिसमिल्लाह खातुनसहित २६ जना जनप्रतिनीधिहरुले सो कार्यक्रम बहिष्कार गरेका हुन्।

बुधवार बसेको बैठकले कार्यक्रम बहिस्कार गर्ने निर्णय गरेको हो । कार्यालय उद्घाटन कार्यक्रममा गाउँपालिकाकै उपाध्यक्षलाई समेत जानकारी नगराइएको र आफूले अरुलाई पठाएको निमन्त्रणा कार्डबाट थाहा पाएको उपाध्यक्ष खातुनको भनाई छ । कार्यालय उद्घाटन कार्यक्रम सर्वसंवत रुपमा छलफल नै नगरी मनोमानी ढंगले गर्न खोजेको भन्दै कार्यक्रममा कोही पनि उपस्थित नहुने निर्णय गरेको बैठकमा सहभागी वडा नम्बर ३ का वडाअध्यक्ष नगीना राउत अहिरले बताए ।

नेकपा एमाले अध्यक्ष एवम् पूर्व प्रधानमन्त्री केपी शर्मा ओलीले आज सो कार्यालय उद्घाटन गर्ने कार्यक्रम तय भएको छ । स्रोतकाअनुसार उक्त कार्यक्रमकै लागि गाउँपालिकाभित्रका विद्यालय बन्द गरेर शिक्षक, विद्यार्थी तथा अभिभावकलाई पनि कार्यक्रममा उपस्थित हुन गाउँपालिकाको शिक्षा शाखाले निर्देशन जारी गरेको भन्दै यसको सर्वत्र विरोध भइरहेको छ ।

उपाध्यक्ष खातुनसहित वडा नम्बर २ का वडाअध्यक्ष प्रभु प्रसाद कुर्मी, वडा नम्बर ३ का वडाअध्यक्ष नगीना राउत अहिर, वडा नम्ब्र ५ का वडाअध्यक्ष बिहारी महतो नुनिया, कार्यपालिका, सदस्य, वडा सदस्य लगायत २६ जना जनप्रतिनीधिहरुले उक्त कार्यक्रम बहिस्कार गरेका हुन् । रासस

 

 

 

 

 

 

 

 

 

 

 

प्रकाशक:

विशेष मिडिया प्रा लि काठमाडौं नेपाल

फोन :- ९८४०५१२८७२

ईमेलः [email protected]

सूचना विभाग दर्ता नं.२७८७ / २०७८-०७९

अध्यक्ष संचालक: विमल अधिकारी

प्रबन्ध निर्देशक: अम्बिका घिमिरे

हाम्रो बारेमा:

सम्पादकः विनोद बराल

व्यवस्थापकः सम्राट वली,विवेक महरा

सल्लाहाकारः रमेश पौडेल

वरिष्ठ सम्वाददाताः योगेश ढकाल